الأبطال:_ موضي ٢٥ سنه أكبرهم وهي الشيخه ومعيارته سحليه_ نوير٢٣ معيارته الفاره بحكم القوام طبع..ا طويله وسمراويه
والثالثه منيره ٢٠ سنه هذي البنت ناعمه بزياااده<<سكر زياده هع هع
المهم وين وصلنا?
ايه ويدلعونها تويتي..
والأخيره اسمها هاله ١٨سنه
ومعيارتها الطرنبه"
هاله هذي ميزتها
انها خفيفة دم
وماأنسى أخوهم الوحيد الدحمي_١١سنه_
اللي منفش شوشة أخته منيره
لأنه قروي لأبعد الحدود
وماعنده أسلوب تحضر بتاتا<<مدري منين طلعت ذي بتاتا!?ا
وقبل مانبدأ بالقصة ضروري نحط مرجع_قاموس_ لبعض الكلمات لغير الناطقين باللغه القصيميه >>سويتوها لغه بعد خخخخ
نبدأ بأول مصطلح >>متعوب عليها مصطلح
بــوهفيه أو يوجد)
ــتستنطق ــك)
طسياذهبي>>ياعيني ع اللغه العربيه،خلوها روحي أحسن)
الهذرهالكلام وهي صيغة مبالغه>>خلي عنك الفلسفه خخخ )
انثبرناسكتوا)
تسبعتغسل)
حتسيناكلامنا)
أتزعدتينقومتيني)
طبعا هم ناس عاديين
أبوهم وأمهم متوفين من زمان
وتركوا لهم ورث يعني أمورهم ميسره بس عيبهم الوحيد فيهم عرق قراوه.
وكل أقاربهم مو نفس المنطقه
يعني مافيه أحد يروحوا له..
فهم في الغالب حدهم يتمشون حول برج المياه اللي في بريده
<< اللي في مقطع البلوتوث اللي منتشر فيه شخصين متعلقين هم كانو هناك ذاك الوقت.يتفرجون !!
مادخلكم في متهات
ماله أم الداعي..
المهم
هاله وهي نازله من الدرج
شافت موضي تقلب التلفزيون لين ثبتت على قناه..
هاله: وشتشوفين?!
موضي:أشوف الجدار أكيد وش أشوف.?!
هاله:طيب وش بوه التيفي
موضي:أخسس يقلع أبو العنقليزي!! وش لون جبتيه
هاله: من الأبله سمعته تقوله ولقطته أقول مويضي وش رايتس نروح البقاله مع الدحمي?!
موضي:روحوا أنامابي أروح بس جيبولي فكس أبدهن رجليني متورمات?!
هاله: مالت عليتس أحسبتس تبي تقولين جيبوا كاكاو بيبسي شي.!! وآخرته فكس??!
موضي: أقول يالطرنبه طسي عن وجهي لاأبومتس على وجهتس
سمعوا الدحمي يصارخ وهو يقول :
يلا بسرعه هالوه ترا بأسبقك بسيكلي
هاله: من زين هالسيكل عاد يمشي متر ويطيح
من عام الفيل وهومعك..
الدحمي: امشي بسرعه واتركي الهذره الزايده.
<المهم مشوا على رجولهم لأن السوبر ماركت قريبه
ودخلوا قعدت هاله تقرا الورقه وفيها طلبات منيره اللي ماتخلص وطلبات نوير
وتقضت أغراض للمطبخ
وهي تمشي مادرت إلا
طخ طراخ طخ طاخ آي طرااااااخ <<هذا ياحبايبي
الدحمي جاي مسرع يدف العربيه مقطعته النعومه
وصدم بأقرب جدار!!
هاله : هيه أنت ماتشوف??
الدحمي: مدري جيت أبلف
عجزت فتركت العربيه
وصدمت الجدار بس?!!
هاله: كل ذا وبس??
يلا بس امش بسرعه خلنا نحاسب.
وبعد ماخلصوا وهم يحاسبون
المحاسب: ٢٠٠ ريال آنسه
هاله: ياويلييه!!
ياشيخ تأكد?
المحاسب:عفوا آنسه شو عم بتأولي?
الدحمي: أختي بتقول رخص شوي
المحاسب: ياحبيبي النظام عنا هوني مابيسمح بأولك عشغله
تشوف الزلمه إلي واإف هناك
بيعمل سحب ياإما أسيمة شرا مجان أو تزكرة سفر أوهدايا
فوريه.
هاله: الااااااه فلله!!!يلا دوك هذي ميتين بسرعه نلحق على السحب"
<وهاله تركض والدحمي وراه وطاير يصبخ بالأكياس
وصلوا خدمة العملا واشتركو في السحب
وبعد نص ساعه من الإنتضار
أعلنوا إسم الفائز
الأخت هاله تتقدم لإستلام الجائزه!!
هاله: ياقلبيه هذا اسمي
الدحمي: احلفي عاد أحسبه إسمي أقول اركضي لاتطير منا الجائزه
<<راحوا استلموا وطلعت الجائزه تذكرة سفر إلى الخارج وبالتحديد إلى فرنسا
هاله انصدمت متوقعت
ودحمي نفس الشي
هاله: أمنيه وتحققت حلمي إني أسافر برا!!
دحمي: هيه أنتي انهبلتي
وش بيوديتس فرنسا هاه??!
المهم رجعوا للبيت وقالت هاله لخواتها السالفه..
منيره: آخ بس أباخذ التذكره وأفرفر بالكره الأرضيه كله!"
موضي: أبسافر لفرنسا لحالي لأن التذكره بتكون لي وأنا الكبيره
نوير: أقول سحاليلو
لاه وشرايتس تسافرين فرنسا
وحنا ننطق هنا نحتريتس لما تشرفين?!
هاله: أويلاه, انثبرن
أنا اللي فايزه وأنا اللي بسافر
نوير: تعقبين وتخسين ماعندنا بنات يسافرن لحالهن"
موضي: لقيته?!
هاله:منهي??
موضي: حالنا الحمد لله ميسوره
نجيب ٤ تذاكرمع التذكره اللي معتس
ولباقي مصاريف
ونسافر ونشوف نفسنا شوي
واذا على المحرم الدحمي وش وظيفته??
منيره: ولله جبتيه يامويضي!!
هاله: واااو وناسه!!"
وأخيرا !!
نوير: إيه بس...,
موضي: لابس ولاشي خلينا ننبسط ترا الحياه مره وحده بس..بس المشكله وش عرفنا حنا بفرنسا??
منيره: ولايهمكن أسأل زميلاتي أغلبهم راحوا هناك..
موضي: خلاص أجل
يلا من اليوم كلن يرتب أغراضه لأن آخر موعد لإنتها
التذكره بعد شهرين يعني أول العطله حنا بفرنسا
دحمي كان بالشارع كل هالوقت طبعا يتهاوش مع عيال الحاره كالعاده.
بعد مرور شهر تقريبا مليئ بالأحداث الي مالها داعي!!
الساعه تقريبآ بتوقيت القصيم ٤ عصرا..
الجميع يحووس..
منيره تذاكرلأن الأمتحانات عالأبواب..<<مادخلت بس قاعده تطق"هع هع هااع.
نوير قاعده إيقاله تذاكر عندها امتحان وحطوا تحت إيقاله عشرين خط!!
وموضي في المطبخ تسبع مواعين الغدا..
وهاله قاعده تخرط بالتلفون كالعاده
والدحمي بالشارع مع عيال الجيران..
بعد ماخلصت هاله من التلفون
وطبعا ماخلت أحد ماقالت له إنهم ناوين يسافرون..
والدحمي بعد رافع خشمه على عيال حارتهم يعني إني.!!
وبرضه منيره تعرفون هي تموت على حركات الفشخره
لو يحصلها تحط لوحه على جداربيتهم كان حطتها من زمان
."
والباقين ماقصروا بعد!!
المهم بدت العطله الصيفيه والجميع متحمس ماباقي عالسفر إلا أسبوع..
موضي خلصت أمور السفر والحجوزات والشغلات هذي..
في غرفة هاله ومنيره:
هاله: منيره أويلاه شتوقعين بوه بفرنسا??
منيره: قالولك إني عمري رحت له?!
هاله: ولله ودي أغمض وأفتح وألقى نفسي بفرنسا!
<<دخلت نوير عليهم
نوير: يمن اللي منب قايله
مانمتن للحين ترا السفره
بكرا يلا نامن عشان يمدينا نمر سوق الخضره.
هاله: وشوله سوق الخضره??!
نوير: وأحد يعيش بلا كراث!??
منيره"ماسكه راسه":ياويله عساتس بتاخذين معتس لفرنسا??
نوير: إيه أجل?!
هاله:هيه يالسحليه خلاص انسي أيام الخرابيط والكراث والنعناع وسوالف أول حنا خلاص تطورنا!
نوير: إن شالله لو تودونن أمريكا الشماليه ماأخلي علوم
ديرتي!!
هاله: اخس يالفدائيه أقول روحي نامي لاتلحقتس نعله
ترقبو آلجز آثآني
الأحد يوليو 01, 2012 3:48 am من طرف نجمة السماء
» كيف اغير التوقيع؟
الأحد يوليو 01, 2012 3:33 am من طرف نجمة السماء
» تقرير عن الفرقه الكوريه ss501 [ ~ تبون تعرفون جوني أدخلـــوآ ~ ]
السبت يونيو 30, 2012 10:20 pm من طرف نجمة السماء
» اتوقع انه محششLooooooooL:)
الإثنين نوفمبر 07, 2011 4:41 pm من طرف هنووو...
» قصيدة بنت كــارهـــه المدرســــه
الإثنين نوفمبر 07, 2011 4:17 pm من طرف هنووو...
» اللي توصل رقم 5 تقول امنيتها
الجمعة مارس 18, 2011 2:30 am من طرف AWHAM
» قل لمن جرحك 10 جمل ..
الجمعة مارس 18, 2011 2:29 am من طرف AWHAM
» {..صۆبَڪمْ تعَنيَت ، ۆ لترפيبَڪم بغيَت ..~! - •..{
الجمعة مارس 18, 2011 2:29 am من طرف AWHAM
» يا اهلا وسهلا فيكم
الجمعة مارس 18, 2011 2:28 am من طرف AWHAM